Portali Magazina.al u themelua nga disa entuziastë të gazetarisë të bashkuar rreth idesë që t’i ofrojnë lexuesit një mënyrë te lehtë të informimit.
Ajazi pritet me tupana në Gllobar, bindet se fitorja është afër
Ka vazhduar fushata derë me derë e kandidatit për kryetar të Drenasit, Driton Ajazit. Ai të premtën mbrëma ka qëndruar në fshatin Gllobarë. Ajazi është befasuar nga pritja që I kanë banorët e këtij fshati.
“Mobilizimi për ndryshim që e pamë këtu, sikurse gjithandej komunës sonë, na jep garancë për fitore madhështore më 17 tetor”, ka shkruar Ajazi.
Ky është postimi i Ajazit:
Ditë të mira po vijnë për Gllobarin dhe gjithë Drenasin.
Mobilizimi për ndryshim që e pamë këtu, sikurse gjithandej komunës sonë, na jep garancë për fitore madhështore më 17 tetor.
Projekti ynë për transformimin e Drenasit përfshin investime në Gllobar, të cilat ndjeshëm do ta rrisin kualitetin e jetës së qytetarëve. Infrastruktura bazë e rregulluar, zgjerimi i hapësirave të ujitjes, zona biznesore që prek pronat ngjitur magjistrales, si dhe investimet tek pishat e Kamenicës, janë disa nga zotimet tona për mandatin 4 vjeçar.
Vota e 17 tetorit, është votë për zëvendësimin e politikave degraduese të pushtetit në ikje, me politika për transformim të komunës sonë.