Zbulo të panjohurën

Flasin pacientët që në QKUK po trajtohen me plazmën e të shëruarve nga COVID’i

Në Klinikën Infektive në Prishtinë tashmë pacientët po trajtohen edhe me plazmë koncalecente, plazmën e pacientëve të cilët e kanë kaluar koronavirusin.

Janë pesë pacientë të shtrirë në Infektivës e Qendrës Klinike Universitare të Kosovës, të cilët po trajtohen me këtë plazmë dhe e cila sipas mjekëve po jep rezultate të mira.

Kadri Manaj nga Istogu ka dy javë që ka rezultuar pozitiv në COVID-19.

Ai fillimisht është trajtuar në spitalin rajonal të Pejës por me t’iu keqësuar gjendja shëndetësore është transferuar në Klinikën Infektive në Prishtinë.

Infektologu Salih Ahmeti bashkë me ekipen e tij ka vendosur që pos terapive të tjera ta trajtoj atë edhe me plazmën e gjakut të pacientëve që tashmë e kanë kaluar Covid 19.

Ndërsa gjendja e tij është përmirësuar dukshëm.

“Unë sa kam mujt me vërejtë ka ndiku mirë”, ka thënë ai për TV Klan.

Njëjtë është vepruar edhe me Florian Shkolollin, mjek specialist në QKUK.

“Jemi ndër pacinetët e parë që kemi marrë plazmë kovalescente, jemi shumë me fat”, u shpreh ai.

Infektologu Salih Ahmeti ka bërë të ditur se aktualisht janë 5 pacientë që janë duke i trajtuar me këtë metodë.

“E kemi dhanë te të sëmurët rëndë dhe efektshëria e tyre është e mirë, kemi pasur rezultate të mira te pacientët që e kemi aplikuar”, tha Ahmeti.

Në fillim të muajit shkurt autoritetet shëndetësore kanë miratuar një udhëzues përmes së cilit lejohet trajtimi me plazmën kovalescente si terapi mbështetëse për pacientët me koronavirus.