Zbulo të panjohurën

Gjatë javës mot pranveror, temperaturat deri në 17 gradë Celsius

Java e fundit e muajit shkurt do të karakterizohet me mot kryesisht pranveror.

Sipas Institutit Hidrometeorologjik të Kosovës kjo situatë e krijuar meteorologjike vie si rezultat i masave të fuqishme ajrore me presion të lartë atmosferik.

Siç njofton IHMK, mëngjesi i së hënës do të jetë me ngrica të lehta, por në viset malore ngricat mbeten të qëndrueshme në orët e para të ditës.

“Temperaturat minimale do të lëvizin ndërmjet -1 deri 3 gradë Celsius, ndërsa maksimalet e ditës parashihen të lëvizin ndërmjet 13-17 gradë Celsius. Do të fryjë erë nga drejtimi i jugperëndimit dhe veriperëndimit me shpejtësi 1-5 m/s”.