Zbulo të panjohurën

Gjithçka që dihet rreth vrasjes së katërfishtë: Kryefamiljari brenda shtëpisë vrau bashkëshorten, pastaj djemtë dhe në oborr kryen vetëvrasje

Zëdhënësi i Policisë Rajonale të Gjilanit, Ismet Hashani ka dhënë detaje të reja për vrasjen e katërfishtë në Viti, ku një burrë vrau gruan dhe dy djemtë e tij.

“Stacioni policor në Viti është njoftuar rreth orës 18:00 se kanë dëgjuar të shtëna armësh. Menjëherë në vendin e ngjarjes ka dalë policia dhe kanë kuptuar se bëhet fjalë për vrasje ku janë njoftuar të gjitha njësitë relevante që me urgjencë kanë ndalur në vendin e ngjarjes dhe fatkeqësisht bëhet fjalë për një ngjarje tragjike. Kjo vrasje e katërfishtë na ka trondit të gjithëve, jo vetëm fshatin”, tha Hashani.

Ndërsa zyrtari tjetër policor, Remzi Azemi në konferencë për media ka theksuar se janë duke e hetuar rastin.

Ai tha se janë duke kërkuar edhe dëshmitar.

“Tri viktima kanë qenë në shtëpi, e njëri në oborr”, ka theksuar ai.

Ai tha se dyshimi fillestar është se kryefamiljari njëherë ka vrarë bashkëshorten, dy djemtë, dhe pastaj e ka vrarë veten jashtë shtëpisë.