Zbulo të panjohurën

Grabitje me armë në një pompë të derivateve në Prishtinë

Një grabitje me armë ka ndodhur në orët e vona të dielës në një pompë të derivateve në Prishtinë.

Tre persona, njëri prej tyre i armatosur pasi kanë kryer grabitjen janë larguar këmbë nga vendi i ngjarjes. Këtë e ka konfirmuar për Reporteri.net Policia e Kosovës.

“Më datë 22.11.2020 rreth orës 22:15 Policia ka pranuar një informatë se në një pompë të derivateve, tre persona, njëri prej tyre i armatosur, dyshohet se kanë kryer një grabitje, dhe në këmbë janë larguar nga aty”, kanë thënë nga Policia e Kosovë për Reporteri.net.

Burime të Reporterit bëjnë të ditur se pompa e benzinë që ka qenë cak i grabitjes gjendet në rrugën “Isa Kastrati” në Prishtinë, ndërsa në vendin e ngjarjes ka dalë edhe ambulanca.

Njësitë policore kanë dalë menjëherë në vendin e ngjarjes dhe janë duke ndërmarr veprime operacionale dhe hetimore ne funksion sqarimit të të gjitha rrethanave të këtij rasti.