Zbulo të panjohurën

Hoti kërkon masa urgjente ndaj policëve që e keqpërdorin detyrën

Kryeministri në detyrë, Avdullah Hoti, ka kërkuar nga Inspektorati Policor që të trajtojë me shumë përkushtim të gjitha ankesat e qytetarëve që vijnë në adresë të policisë, raporton Express.

Ai këto kërkesa i ka adresuar sot në një takim me drejtorin e Përgjithshëm të Policisë së Kosovës, Samedin Mehmeti dhe kryeshefin Ekzekutiv të Inspektoratit të Policisë së Kosovës Kushtrim Hodaj.

Sipas komunikatës së ZKM’së, Hoti ka kërkuar që të ndërmarrin të gjitha masat e nevojshme ndaj çdo zyrtari policor i cili keqpërdorë detyrën, duke theksuar se këto sjellje janë të papranueshme.

“Kryeministri Hoti, theksoi se nuk duhet lejuar që rastet e izoluara të dëmtojnë imazhin e policisë së Kosovës, institucionit më të besuar nga qytetarët për vite me radhë”, thuhet në komunikatë.

Komunikata e plotë:

Kryeministri i Republikës së Kosovës, z. Avdullah Hoti ka pritur sot në takim Drejtorin e Përgjithshëm të Policisë së Kosovës, z. Samedin Mehmeti dhe Kryeshefin Ekzektuiv të Inspektoratit të Policisë së Kosovës z. Kushtrim Hodaj.

Kryeministri Hoti nga z. Mehmeti dhe z. Hodaj kërkoi që menjëherë, të ndërmarrin të gjitha masat e nevojshme ndaj çdo zyrtari policor i cili keqpërdorë detyrën, duke theksuar se këto sjellje janë të papranueshme.

Kryeministri Hoti kërkoi nga Inspektorati Policor të trajtojë me shumë përkushtim të gjitha ankesat e qytetarëve që vijnë në adresë të policisë, të jenë këmbëngulës dhe të pakompromis në respektimin e etikës dhe sjelljes profesionale të policisë.

Kryeministri Hoti, theksoi se nuk duhet lejuar që rastet e izoluara të dëmtojnë imazhin e policisë së Kosovës, institucionit më të besuar nga qytetarët për vite me radhë.