Zbulo të panjohurën

Kryeministri Hoti premton se Ferizaj do të jetë kryeqendër e shume projekteve moderne

LDK e Ferizajt ka njoftuar se sot në këtë qytet është mbajtur një tubim madhështor me shumë votues e simpatizantë të këtij subjekti.
Forca më e madhe politike shtetformuese e shtetndërtuese LDK zbarkoi sot në Ferizaj për të takuar elektoratin më besik që ka Kosova , atë të Lidhjes emocionale , historike e demokratike.
Ferizajasit me vendosmëri të pashoq edhe sot në këtë tubim madhështor mbështetën programin qeverisës të kryeminsitrit Hoti të cilin e falënderuan   për punët e mira dhe projektet e dobishme që ka sjellë në Ferizaj.
Kanë mbetur edhe pak ditë deri në zgjedhjet parlamentare por populli kosovar e din tashmë se kujt duhet t’i jepet besimi,  LDK-së  kësaj shtëpie të madhe e këtij subjektit që kultivon vlera që nuk mund të gjenden askund tjetër.
Gjatë takimit me kryeministrin Hoti dhe elektoratin e LDK-së kryetari i degës së sonë i cili është edhe kandidat për deputet në Kuvendin e Kosovës ka deklaruar se vota për LDK -në është votë për shtet më të fortë dhe platformë të zbatueshme politike në çdo pikë.
“Vota jonë për do të thotë më shumë siguri për një shtet të fortë e të integruar nesër në botë.
Më shumë projekte zhvillimore e përkrahëse për ju qytetarët të respektuar, më tepër mirëqenie në jetën arsimore , sociale e kulturore kudo në Kosovë.
Qofshim faqebardhë në çdo ditë të qeverisjes sonë” ka thënë kryetari Svarqa.
Kandidatët e Degës sonë morën zotimin e votuesve të LDK -së edhe në këtë takim se do të mbështetn fuqishëm drejt përfaqsimit dinjitoz në Kuvend.
Fitorja është afër dhe të tjerët do të befasohen me suksesin tonë por jo edhe ne që po e presim këtë fitore sepse e dijmë mirë se sa thellë i kemi rrënjët në familjet kosovare thuhet në komunikatën e degës së LDK-së në Ferizaj.