Zbulo të panjohurën

Mos e harroni ferrin e Koshares”, Anton Quni i reagon Vuçiqit: S’duam luftë, por nëse bëhet ne fitojmë

Deklarata e presidentit serb Vuçiq se Serbia po përgatitet ushtarakisht pasi që një konflikt i ngrirë mund të eskalojë papritur, njësoj siç ka ndodhur mes Armenisë dhe Azerbajxhanit, ka nxitur shumë udhëheqës kosovarë të reagojnë duke e cilësuar këtë si kërcënim dhe prishje të stabilitetit në rajon.

Ministri i Mbrojtjes së Kosovës, Anton Quni, tha se vendi i tij fare s’është i interesuar për luftë dhe ka kujtuar Kosharem gjatë luftës së para dy dekadave duke thënë që të mos e harrojnë ferrin e saj.

“Fare nuk jemi të interesuar për luftë, duam të jetojmë në paqe, por nëse lufta është e pashmangshme, ne si çdo herë do të fitojmë. Mos e harroni ferrin e Koshares!”.

Për këtë deklaratë edhe ushtruesja e detyrës së presidentes e kryeparlamentarja Vjosa Osmani edhe kryeministri Avdullah Hoti kërkuan reagim nga NATO dhe BE për një kërcënim të tillë.

Derisa BE ende s’është deklaruar, NATO tha se KFOR mbetet plotësisht i përqendruar për të siguruar mjedis të sigurt në Kosovë.