Zbulo të panjohurën

“Nuk mundesh me ma ndalë fjalën” – përplasje në Komision mes deputetëve të VV-së e PDK-së

Një përplasje ka ndodhur ndërmjet anëtarëve të Komisionit për Arsim, Shkencë, Teknologji, Inovacion, Kulturё, Rini dhe Sport, teksa në rend dite ishte shqyrtimi i Projektligjit pёr Agjencinë e Kosovës për Akreditim dhe Projektligjin pёr Arkivat Shtetërore.

Kryetari i Komisionit, Ardian Gola ka thënë se janë dy projektligje për agjencinë e akreditimit dhe për arkivat.

Në këtë komision ka pasur përplasje ndërmjet deputetes së PDK-së, Eliza Hoxha dhe atij të VV-së, Ardian Gola.

Ky i fundit, nuk ia dha fjalën deputetes Hoxha.

“Po e konsumoni kohën. Ti duhesh me respektua rendin se unë e vendos. Me shpalos tërë këtë destruktivitet është shumë zhgënjyese një ditë që do ta kalojmë në miratim të projektligjeve deputetëve bartin përgjegjësi para elektoratit të tyre dhe shtetin për të cilin kanë marrë votat. Unë nuk lejoj këtë formë çfarë e pamë nga deputetja Hoxha dhe shpreh keqardhja për këtë incident dhe vlerësojmë përkushtimin që keni me arsimin e lartë që e keni bërë të pamundshëm të respektoni kufijtë ligjor për sistemin e arsimit”, ka thënë Gola.