Portali Magazina.al u themelua nga disa entuziastë të gazetarisë të bashkuar rreth idesë që t’i ofrojnë lexuesit një mënyrë te lehtë të informimit.
Përfshihet nga zjarri një barnatore në lagjen “Dardania” në Prishtinë
Në redaksinë e Gazetës Online “Reporteri.net” kanë ardhur pamje nga vendi i ngjarjes, ku shihen edhe Policia dhe zjarrfikësit të cilët po mundohen që ta fikin zjarrin.
Rastin për Gazetën e ka konfirmuar edhe zëdhënësi i Policisë së Kosovës, Bajram Krasniqi, i cili ka njoftuar se nga zjarri nuk raportohet për persona të lënduar.
“Në ora 18:04, policia është njoftuar për një zjarr në bulevardin ‘Dëshmorët e Kombit’ Prishtinë. Njësitet relevante policore kanë dalë në vendin e ngjarjes. Janë njoftuar edhe ekipet e zjarrfikëse që i janë përgjigjur njoftimit. Nga zjarri nuk ka persona të lënduar” ka thënë Krasniqi për Reporterin.
Ende nuk është bërë e ditur se çfarë mund ta ketë shkaktuar zjarrin.