Zbulo të panjohurën

Rrahje në grup në Ferizaj, mes tyre përfshihet edhe një vajzë

Një përleshje fizike ka ndodhur para pak minutash në rrugën ‘Rexhep Bislimi’ në Ferizaj, ku dyshohet se një shtetas i Shqipërisë ka mbetur i lënduar.

Kështu thanë lexues të Gazetës Express, të cilët kanë dërguar video nga vendi i ngjarjes.

Madje në disa fotografi shihen edhe njolla gjaku nëpër rrugë.

Në videon e mëposhtme shihen disa persona duke u rrahur mes vete, ku në mesin e tyre ishte edhe një vajzë.

Gazeta Express ka kontaktuar edhe me Policinë e Kosovës në Ferizaj, por deri në momentin e publikimit të lajmit, nuk kemi pranuar përgjigje.