Zbulo të panjohurën

Selim Selimi, fillon fushatën, takon kryetarin model të komunës

Selim Selimi, kandidat për deputet nga radhët e AAK-së, ka nisur fushatën elektorale. Për dallim nga të tjerët që e kanë nisur me pompozitet këtë proces, Selimi ka zgjedhur ta ketë takim me kryetarin model të komunës së Hanit të Elezit, Rufki Suma.

”Fushatën e fillova sot pikërisht me njeriun që përfaqëson dy elemente të punës sime si ministër – e vazhdon betejën e çlirimtarit për t’i sjellë kriminelët serbë para drejtësisë dhe luftën e pakompromis kundër korrupsionit!”, ka shkruar Selimi.

Ministri në detyrë i Drejtësisë, që ka numrin 100 në listën e AAK-së, gjatë takimit me Sumën e ka njoftuar kërë të fundit me të arriturat në systemin e drejtësisë.

Posimi i plotë i Selimit:

Fushatën e fillova sot pikërisht me njeriun që përfaqëson dy elemente të punës sime si ministër – e vazhdon betejën e çlirimtarit për t’i sjellë kriminelët serbë para drejtësisë dhe luftën e pakompromis kundër korrupsionit!
I vlerësuar si një ndër kryetarët më efektiv në Kosovë, Kryetari i Hanit të Elezit, Refki Suma, ka dëshmuar sukses të madh në mirëqeverisje dhe vendosjen e mendësisë së punës pa korrupsion, andaj mbetet shembull më i mirë që duhet ndjekur. Personalisht, duke qenë mirënjohës për kontributin e tij edhe si luftëtar lirie, por veçanërisht për vendosjen e një modeli funksional e transparent në administratë publike, kam zgjedhur ta takoj sot.
Gjatë një bashkëbisedimi miqësor, e njoftova për të arriturat gjatë mandatit tim në Ministrinë e Drejtësisë, veçanërisht për një nga ndryshimet rrënjësore dhe më të domosdoshme të Kodit të Ri të Procedurës Penale të Kosovës, që tani mundëson ndjekjen dhe gjykimin në mungesë të të pandehurve për krime të luftës, si dhe suspendimin nga puna të zyrtarëve publikë, me rastin e ngritjes së aktakuzës për vepra penale të korrupsionit dhe të keqpërdorimit të detyrës zyrtare.
Kryetarit Suma i ofrova tërë mbështetjen time për kauzën e tij, si zyrtari i parë i shtetit, që ka ushtruar kallëzim penal kundër kryesve të krimeve të luftës dhe u zotova se do të angazhohem për hapjen e Gjykatës në Han të Elezit.